網友「高比仔」自認愛靚唔愛命，即使十分害怕牙醫的針和鑽，也甘願花上足夠買多部電腦及手機的金錢，為最「要見人」的兩隻門牙做牙套。網友都盛讚她厲害，在驚嚇環境下，還可以拍照！

高比仔絕對稱得上係一名「靚女」，青春無敵不怕將「醜樣」示人，她思前想後達兩年之久，個多月前才冒死到牙醫診所做牙套，改善門牙罅大毛病，日後要以整齊的露齒笑容迷死人。身處牙醫診所，高比仔還要自我麻醉一番，當自己置身VIP美容會所，看着牙醫工具所發出類似金庸小說世界裏，華山劍氣一樣強勁的寒風，順利完成變靚啲壯舉。

打了麻醉針　鼻窿變大

「惟有喺牙醫面前低頭就範」，高比仔笑說因為打太多麻醉針，鼻窿好像比平日大了許多，甚至連上面牙位也合不上，不過，醫生倒模後一星期便有一對全新門牙，卻令她感到興奮。
網友「加菲貓！」讚她勇敢：「係呀，係呀！整容、隆胸就話要諗清諗楚，整牙唔使㗎，只需要搵一個有信譽嘅牙醫就得㗎啦！」「SEXYMOLE」的經驗：「當年我箍牙時共拔了四顆牙，其中一顆還害我上了手術房，打了六支麻醉針。現在回想起來都驚！」「癩蛤蟆」訕笑說：「牙醫是一個……要你畀錢佢整痛你，仲要多謝佢嘅行業！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]