中聯辦幹部第二點重要指示,涉及策略問題,在場人士透露,西環高幹指香港其他政黨「只討好某一方面」,自由黨兼顧各階層利益,反而處於有利位置,又話政黨做事貴精不貴多,如果打十場仗只贏一仗,只會打擊士氣,因此應該集中火力,積小仗,贏大仗。有自由黨中人如此理解弦外之音,認為中聯辦係叫自由黨在這兩年選舉中,不要盲目派人出選,有勝算的位置才去馬,否則擾亂協調大局,徒然添煩添亂。
另一喺西環返嚟嘅人就同八方講,中聯辦高官向自由黨承諾,「無論發生甚麼困難,我們都是一個堅實的支持」,似在暗示23條倒戈事件已經一筆勾銷,日後一定會好「睇」自由黨。若然真係咁,八方真係要祝自由黨兔年有運行嘞。
mailto:
[email protected]