當年今日
關於我們

ipork點擊:豬年解題 - 陶傑

蘋果日報 2020/09/03 14:24


今年豬年,所以個欄名要同豬有關。
IT流行,今年通訊界至Hit名稱就係i-pod。將i-pod同「豬」雜交CrossOver,得出嚟嘅,就叫i-pork嘞。
雖然大陸今年為尊重回民感情,禁咗個「豬」字,以免拉登在西北邊境豬多事幹,挑動鬥爭,但禁豬啫,冇話禁豬肉,若果唔係,華潤國貨就會回收晒啲集體回憶梅林牌午餐肉啦係咪?
所以叫做i-pork點擊,一來照顧國情,二來迎豬除舊賀新禧,三來慶賀曾某連任之後,司局級高官大擺太公豬肉宴,政黨個個豬油撈飯──「飯民」除外。
講到豬年,「選舉」開始,傑哥宣布參選成功,一百一十一票入閘,傑哥就係一隻豬嘞。
有冇去過上高啲動物園?餵老虎,係用生勾勾嘅動物嘅,有時掟活雞,有時成隻小黃牛推入去,今次選舉,煲呔虎視眈眈,眼神相當嗜血,無啦啦有隻乳豬入咗嚟,俾佢嚙咬,隻豬仔重舉高手作Rocky勝利狀,你話好笑冇呢?睇幾時BBQ做紅燒片皮乳豬全體啦!