【新年到】團年飯加舞龍 LEGO亞洲別注set活動設計夠好玩
蘋果日報 2018/12/29 00:03
新年農曆團年飯玩具Lego舞龍
記者今次就找來6歲半的Kaden小朋友率先試砌舞龍賀歲（80102）套裝，完成後轉動機關，舞龍即時上下搖動，前方龍珠更會同時轉動，玩得不亦樂乎。
雖然啱啱先過完聖誕，元旦都未到，但其實數鷜手指，農曆新年都只係淨番一個用多啲就到！而今年新年，LEGO就好特別咁，首次推出了亞洲區別注set，更一次過有兩款，都是以農曆新年做主題，分別是舞龍和團年飯，設計相當有傳統氣氛，更有不少特別件和可動原素，相當好玩！
記者今次就找來6歲半的Kaden小朋友率先試砌舞龍賀歲（80102）套裝，雖然套裝建議適合9歲或以上，但套裝件數唔算多，只係可動部份比較複雜，不少步驟易調轉方向。不過對小朋友來說卻是頗新奇的砌法，可體驗簡單的連動機械結構，小男孩應該會特別鍾意，大人亦可從旁指導一齊玩，過個開心新年。另外，拼砌途中亦發現有不少特別配件，砌龍身和龍頭都相當有趣，唯獨有14件龍身部份砌法非常相近，Kaden砌砌下都講：「有啲悶。」不過好戲在後頭，Kaden用了約兩小時完成拼砌，轉動機關，舞龍即時上下搖動，前方龍珠更會同時轉動，玩得不亦樂乎。記者則更欣賞幾個人仔，造型特別，主角「豬頭佛」更是搶眼，最正係舞龍的人仔並非企定定，而是會隨舞龍跳動，動感十足，設計出色，難怪Kaden也大讚：「好玩！」
另一款團年飯（80101）雖然比較靜態，但特別件勁多，好像牆上的揮春、利是和桌上的各款新年食物，如湯丸、油角、菜、蝦等等，餐桌更可轉動，十足十真係食團年飯一樣。此套裝更是用了充滿濃厚中國古典色彩的傳統大宅庭園作設計，有花有燈籠有石階有花瓶，和小朋友一起砌之餘，更可簡單教導一下中國傳統特色，相當適合做小朋友的新年禮物。
記者、攝影：韓繼聰
可動部份比較複雜，不過對小朋友來說卻是頗新奇的砌法，可體驗簡單的連動機械結構，小男孩應該會特別鍾意。
雖然套裝建議適合9歲或以上，但套裝件數唔算多，Kaden用了約兩小時完成拼砌。
有14件龍身部份砌法非常相近，Kaden砌砌下都講：「有啲悶。」
舞龍的人仔並非企定定，而是會隨舞龍跳動，動感十足。
龍頭設計栩栩如生，相當精緻。
幾個人仔，造型特別，主角「豬頭佛」更是搶眼。
舞龍賀歲（80102）於2019年1月3 日在LEGO Certified Store開賣。
團圓 ‧ 團年飯（80101）於2019年1月3 日在LEGO Certified Store、香港玩具“反”斗城及各大百貨公司開賣。
新年又點少得派利是？
套裝用了充滿濃厚中國古典色彩的傳統大宅庭園作設計，和小朋友一起砌之餘，更可簡單教導一下中國傳統特色。
桌上有各款新年食物，如湯丸、油角、菜、蝦等等，餐桌更可轉動，十足十真係食團年飯一樣。