當年今日
關於我們
隔牆有耳:四叔捐款縮水 - 李八方
蘋果日報 2008/11/08 00:00
舊年港股升到唔識停,「亞洲股神」恒基四叔身家暴漲,捐錢億億聲,先後向科大同港大捐咗四億同五億元,公開大學都有半億。
雖然股市今年狂瀉,但都冇影響四叔捐錢意欲,不過捐款金額的確少咗啲。四叔噚日捐咗300萬元畀樹仁大學。樹仁舊年8月升格,佢哋留意到四叔好支持大學發展,膽粗粗coldcall四叔,四叔一口就應承。四叔今次捐出300萬元並冇特定用途,唔似之前捐錢畀科大、港大,會有校園建設。連樹仁都獲捐款,四叔可謂雨露均沾,香港全部大學都接受過佢嘅捐款喇。