【儲Miles換機票】一簽兩賺賺到盡 Asia Miles期間限定新玩法
蘋果日報 2018/09/16 00:03
亞洲萬里通Asia Miles
一係唔儲Miles，一儲當然要賺到盡。
儲Miles換免費機票，係一眾精明消費者樂此不彼嘅遊戲，同簽卡會有積分一樣，識得玩，確係一個無本生利嘅好方法。想要賺到盡，就唔可以懶，如果你儲緊嘅係亞洲萬里通Asia Miles，咁就要畀少少時間爬文喇。
Asia Miles最近有新推廣，第一個玩法係訂立目標換獎賞。到AsiaMiles網站登記，揀選有信心的里數目標，例如目標係賺取2500里數，只要在活動期間成功獲得，就可額外獲得500里數獎賞。訂立目標越高，所得里數獎賞亦越多。做唔到無懲罰，做得到就有額外里數，當然要登記咗先喇。
第二個玩法，係睇清楚有邊間合作夥伴，同善用聯營信用卡。亞洲萬里通一向有同唔同機構合作，例如大家常用嘅Openrice，只要透過 OpenRice 訂位時記得先登入Asia Miles帳戶，就可以賺取里數。又或者旅遊人一定用過嘅Agoda，預訂酒店住宿都有里數賺。如果預訂係用聯營信用卡，咁就除咗基本里數，仲可以再賺多一重憑卡付款嘅里數。
第三個玩法適合一班食家。亞洲萬里通今次揀咗十間「星級夥伴」食肆，包括莆田、老鍋台式火鍋、港女最愛嘅Dazzling Café等等，只要去以上指定食肆消費，並使用聯營信用卡享用「一簽兩賺」，就可再額外賺取多一重里數。每惠顧一間可賺取100里數，惠顧兩間可獲200里數，如此類推。
以上玩法由即日起至 2018 年 10 月 31 日為止，都係果句喇，登記又唔使錢嘅，賺唔賺到都好，梗係登記咗先喇。
記者：李珮禎