今晚宇宙級嘅阿G.E.M.（鄧紫棋）世界巡迴演唱會喺紅館開鑼，早前阿G.E.M.想「趁青春留倩影」，喺25歲嘅時候就影咗本《25 Looks》寫真集，而今日喺演唱會門外就有攤位販賣呢本寫真集嘅周邊紀念品，不過現場所見，有購買意欲嘅人流唔算多。

講到紀念品就犀利喇，可以話係包羅萬有，最常見嘅T恤外套鎖匙扣就梗係有啦，仲有啲比較有阿G.E.M.特色嘅冷帽、太陽眼鏡等，騎呢啲嘅有膠紙、啤牌，護照套、拖鞋等，不過點都唔夠女裝運動內衣嚟，價錢方便大部份都相對合理，唯獨一副印有寫真嘅巨型啤牌索價580蚊就好似有少少離地。