【金像獎飲恨】《空手道》揚威遠東電影節 杜汶澤親赴意大利領獎
空手道鄧麗欣杜汶澤意大利遠東電影節倉田保昭
杜汶澤執導嘅電影《空手道》參加於意大利舉行嘅第20屆遠東電影節。
《空手道》獲網上票選為最喜愛電影獎,阿澤親身出席領獎。
鄧麗欣、倉田保昭主演,杜汶澤執導嘅電影《空手道》雖然金像獎獲6項提名,但空手而回,難免令人失望,但《空手道》日前喺終於海外威番次喇!
《空手道》上星期參加於意大利烏甸尼舉行嘅第20屆遠東電影節(Far East Film Festival),獲網上票選為最喜愛電影獎(MYmovies Award),阿澤仲親身出席頒獎禮領獎。另外韓國電影《1987:逆權公民》則贏獲黑龍觀眾大獎 (Black Dragon Audience Award)及觀眾票選大獎(Audience Award)。
阿澤今日接受《蘋果》訪問時表示:「演員身份去烏甸尼已經第5屆,導演身份係第一次。今次獲意大利最重要影評網頒一個投票大獎,攞獎時因為時差,正正係最眼瞓時間,o依家先醒。今次好開心見到偶像杜琪峯先生同張艾嘉小姐,有交流機會。亦都好開心睇到《柔道龍虎榜》嘅修復版,呢套係對我影響好大嘅電影,為呢次旅程畫上完美句號。知道仲有咁多歐洲觀眾鍾意港產片,我會繼續以最謙卑嘅心情,去做好香港電影。」
精選娛聞,喺晒《娛果》
http://fb.com/appledailyent