雖然香港唱片業一直未見起色，但演唱會市道卻依舊蓬勃，在紅館舉行演唱會的歌手一個接一個。不過，為迎接2009年東亞運動會，政府早已宣佈斥資1.6億元翻新紅館，據本報收到消息，康樂及文化事務署已落實於明年7月1日正式關閉紅館半年作維修，但接受申請使用紅館場地卻只到明年6月29日為止，而截止日期則是本月30日。

據悉，不少歌手都欲在紅館閉館前舉行個唱，其中，陳慧琳於04年底舉行過跨年的「紙醉金迷演唱會」後，至今未有在港開騷，而今年的紅館期早已沒有空檔，故她希望能在明年閉館前再踏紅館台板，否則一等便要等兩年後才可再開。Kelly經理人鍾珍昨日在電話中說：「我哋係諗緊出年6月幫Kelly開個唱，因為佢明年已經排咗好多工作，起碼有三個月唔喺香港，所以要搞清楚佢嘅檔期係點，下星期左右先決定會唔會入紙紅館，我哋都怕紅館7月封館，再唔開就要等好耐。」除Kelly外，對該檔期虎視眈眈的，還有一班像葉麗儀般級數的前輩歌手，欲在停館前舉行演唱會，但一切尚在斟談中。
其實，紅館雖然於09年1月完成翻新，但要再提供予歌手舉辦演唱會，則是09年下半年的事，故今次停館維修，歌手及樂迷受影響將達一年之久，所以一眾歌手都搶在明年6月前開個唱（見附表）。四大天王都趕於今年開個唱，除了黎明及學友外，郭富城會於11月開騷，劉德華早已訂於今年12月舉行跨聖誕及新年個唱，繼後1月有容祖兒演出，李克勤則早已獲得農曆年的檔期。明年初的紅館期也爭崩頭，其中，2月及3月份有不少前輩級歌手開騷，包括周華健、鍾鎮濤及蔡琴，4月則有Twins。
據悉，去年曾在紅館演出的五月天及梁靜茹均希望在明年5月添食，可惜遭紅館拒絕批期，而獲張耀榮支持開騷的徐小明也曾入紙要5月的檔期，但一樣被拒絕，反而批了給許志安及王力宏。
對於紅館暫停運作，不少演唱會製作人均直指有嚴重影響，新娛國際綜藝製作公司老闆丘亞葵昨日在電話中說：「紅館暫停運作，對演唱會整體運作會有好大嘅影響，因為會冇咗一個大嘅收入來源，所以嚟緊我哋會搵一啲新嘅場館搞騷，好似喺九龍灣展貿隔籬嘅StarHall，呢個新場館今年11月左右就會啓用，係胡應湘個仔胡文新搞嘅，同九展一樣可以容納3千幾人。其實亞洲博覽館都會係一個幾好嘅選擇，地方遠唔係問題，我覺得可以效法外國咁做黃昏騷，觀眾睇完騷可以出番去食飯，出番去都唔會太夜。」

金牌揸弗人黃柏高則說：「停半年對歌手入紙搞演唱會嘅安排會拖長咗，競爭大咗，本來我哋諗住出年搞陶喆、張惠妹同孫燕姿演唱會，但𠵱家除咗陶喆出年3月開之外，其他要等到紅館維修完之後先至可以入紙。」
此外，本報昨日接獲消息，許冠傑已成功拉攏到鄭裕彤旗下的國際娛樂投資，於12月15或16日在大球場舉行一場個唱，並由高志森製作。
撰文：丁寧

8月1-2日：關菊英
8月17-31日：張學友
9月：古巨基
9月：陳奕迅
10月：楊千嬅
10月中：黎小田
11月：郭富城
12月：周杰倫
12月：劉德華（聖誕至新年）
1月：容祖兒
2月：周華健
2月：王菀之、張敬軒
2月：李克勤（農曆新年）
3月：陶喆
3月：鍾鎮濤
3月：蔡琴
3月：劉美君
4月：Twins
4月：關淑怡
5月：許志安
5月：王力宏