台灣總統選舉今個月14號舉行，台灣駐香港機構台北經濟文化辦事處新任處長朱曦（圖中）大派定心丸，話無論雙英邊個跑出，港、台關係都唔會倒退。上任幾日嘅朱曦噚日同記者茶敍，話好難估馬英九、蔡英文定宋楚瑜贏，但講明馬英九連任，中台關係應該繼續照現時道路發展，蔡英文贏的話就好難預料有冇變化。
康泰旅行社唔理邊個做總統，搞團賺錢至上，推出「台灣選舉嘉年華3天體驗之旅」，由董事長黃士心親自帶隊，今個月13日出發，見證造勢晚會、勝選之夜，又會去《那些年》場景平溪老街放天燈。