終年63歲的魯芬共有一弟一妹，是家中大家姐，生前非常愛錫家人，與姪女阿Ling感情很好，魯芬臥病在床，阿Ling貼心照料。阿Ling今日凌晨接受《蘋果》電話訪問時，她也說：「唔好難過，記住佢嘅開心笑臉。」

今日中午，《蘋果》再致電阿Ling，提到魯芬患病後情況，阿Ling說：「佢一直好樂觀積極面對呢個病，我哋擔心，佢仲反過嚟安慰，佢會話：『冇事㗎，我會同佢鍊過，我會加油努力，呢次當導演畀我演病人角色，我未扮過病人。』佢一直意志力同生命力都好堅強，笑住面對。」

阿Ling表示過去幾個月魯芬進出醫院，及至年三十晚（1月27日）早上不適入院留醫，阿Ling說：「前期佢住咗兩個月私家醫院，醫藥費唔算多；到中後期，佢轉咗入博愛醫院，佢生前成日幫博愛籌款，係博愛之星，留院期間，醫護人員對佢好照顧。佢當日入院係清醒，只係呢個病一發燒就好危險，手尾長，留院期間嚴重咗，佢都好聽醫生姑娘說話。」阿Ling表示魯芬都沒想到自己不敵病魔。

阿Ling指魯芬一直有心願，希望把皮肌炎訊息帶給大家：「佢次呢個病係類風濕關節病，會影響肺功能，佢入院就出現肺纖維化，本來都可以維持兩、三年，但佢情況急轉直下，呼吸都出現問題，後期醫生有配合落藥，等佢舒服啲，所以佢唔算辛苦，但落咗藥佢會攰啲。」

問到魯芬臨終有交代遺言嗎？阿Ling說：「唔方便透露，唯一可以講，佢想多啲人認識呢個病，真係好可怕。」魯芬因為樂觀態度，所以沒想過這次入院會離世，所後魯芬的後事安排，將由弟妹及親友開會後商討再作決定，阿Ling感謝觀眾對魯芬愛戴，喪禮或考慮有公祭儀式，家人雖然傷痛，但都已接受魯芬的離開。