【唔再拍AV】坂口杏里宣佈退出藝能界 專心做陪酒女
引退坂口杏里
已故日本女星坂口良子嘅敗家女坂口杏里,欠下周身債並改名ANRI加入AV界,現時佢就喺六本木夜店做陪酒女,今日佢喺Instagram宣佈退出藝能界,日後努力做好陪酒呢份工,仲上載親筆寫咗「多謝」,畀佢嘅支持者。
現年26歲嘅坂口杏里話自己由15、16歲開始加入藝能界,要做嘅都已經做晒,再無遺憾,今後會努力做好陪酒女嘅工作,而佢又指如遇到合適對象都想結婚,最後坂口杏里多謝一直照顧佢嘅工作人員,今後佢做番普通女仔繼續生活。
坂口杏里年前被爆沉迷幫襯鴨店已使盡亡母遺產,欠下周身債嘅佢改名ANRI加入AV界,死性不改嘅佢更因涉勒索男公關被捕。現時坂口杏里就喺六本木夜店做陪酒女,仲作為當紅陪酒女郎,甚為滿意現狀嘅佢仲心廣體胖,發福唔少。