【TG放題】食店疑放拉炮混淆抗爭者 黃德斌否認係老闆：我只係去食嘢
蘋果日報 2019/12/25 17:37
黃德斌大門橫丁
昨日普天同慶平安夜，大批市民慶祝聖誕及參與抗爭活動，克警狂放催淚彈及橡膠子彈，多人被捕；其中位於尖沙嘴厚福街的大門橫丁串燒店，有網民質疑食店職員放響炮嚇手足，並連累多名手足被捕，而當時黃德斌身處食店，有網民指：「有人話係黃德斌嘅店、有人話佢係路過、待fc」。
事緣昨晚尖沙嘴TG放題，「香港城市大學學生會編輯委員會」報道指，黃德斌在厚福街慶祝聖誕節，其後有人投擲汽油彈，警察即以催淚彈還擊。相中見到着黑衫戴黑cap帽的黃德斌，站在食店外張望，面上有笑容，身邊其他人都面帶笑容，表現平靜。
不過，有網民卻在社交網開post，指克警在串燒店前面放TG，場面混亂，質疑食店職員：「佢哋職員仲要專登係咁派響炮響足5分鐘嚇班手足，有手足叫佢哋停手，佢哋仲要拿響炮啲彩紙擲x手足，因為班手足俾佢哋響炮嚇到以為班狗又喺後面狂放TG，嚇到要亂咁走，累多人被捕。」該網民並指身在現場的黃德斌疑是食店老闆。
《蘋果》向黃德斌了解，他以短訊澄清：「大門橫丁不是我開的，我只係去食嘢，冇放過花炮。」亦有網民為黃德斌平反：「黃德斌係路過㗎，手足唔好殺錯好人，間舖有待fc」、「因為佢老婆喺利時開鋪…成日見到佢」、「呢間嘢係特登玩x手足定點真係唔知，但幾個月前去過食，仲播緊《榮光》，嗰時連黃色經濟圈都未有。」、「睇片我覺得好多喺現場嘅食客同圍觀者未必知發生咩事。」
而涉事的食店昨晚在FB專頁刊出道歉啟事：「本店大門橫丁於昨天晚上因拉炮事件而令昨晚抗爭嘅手足受到驚嚇深感萬分抱歉。首先我哋需要澄清藝人黃德斌並不是本店老闆，只係普通食客；另外厚福街歷年傳統倒數節日都會有放拉炮環節。對於昨晚厚福街發生不愉快事件，本店未有因應情況而暫停參與活動，嚴重地敏感度不足，本公司責無旁貸！本店承諾於抗爭運動尚未成功前，將會停止一切慶祝活動。本店愧對香港人，衷心講一句對唔住！」
大門橫丁在FB專頁發道歉啟事（網上圖片）