黎諾懿同湯洛雯今日到荃灣出席商場開幕活動，二人因拍劇後經常情侶檔工作，黎諾懿笑言要為兒子小春雞賺錢。早前，湯洛雯被影到與緋聞男友羅天宇同居，湯洛雯為對方澄清:「嗰日我哋去食嘢，我哋冇同居，佢冇去我屋企。我哋了解咗好耐，發展中，但每次報道都話佢係食女王，佢係好男仔，唔好咁寫佢。」

湯洛雯指羅天宇沒因報道影響心情，而佢父母都冇因此對男方而負評:「做朋友，唔會因為報道就覺得個人係咁，要經過相處。父母有見過佢，但唔係見家長，係我約一班朋友食飯佢喺度，都覺得佢乖仔、靚仔。」中秋節佢就會約一班朋友一齊過。