當年今日
關於我們

【舞台劇獎】莊梅岩六四故事《5月35日》掃5奬成大贏家 毋懼國安法阻創作

蘋果日報 2020/06/27 23:20

國安法莊梅岩5月35日田蕊妮

田蕊妮、陳智燊、關寶慧等今晚在中環大會堂出席《第二十九屆香港舞台劇奬頒獎禮》,由編劇莊梅岩編寫的劇目《5月35日》獲得最佳劇本奬、最佳製作、最佳導演(悲劇 / 正劇)、最佳燈光設計和年度優秀製作。
莊梅岩坦言雖然已是第6次得奬,但心情仍然緊張,因她不習慣面對大家講致謝詞,「但今次意義有啲唔同,因為題材相對敏感,係講『六四』(1989年6月4日),以前好似好講得,而家嚟緊又唔知得唔得,加上國安法又嚟,所以對於我嚟講,特別有意義。」會否最後一次寫這類題材?莊梅岩希望不是第後一次:「但我唔會最後一次寫,就算國安法嚟,我都會寫,我覺得創作人有一定嘅恐懼,因為劇本係一劇之本,我希望我哋唔好自我審查咗先,不如寫咗先,等人告先算,等做唔到先算,但而家好好,起碼證明香港仲做到,我希望嚟緊嗰幾年,我哋不斷去嘗試,創作人有不同嘗試,講自己想講嘅議題。」
如國安法一旦實施,題材受限制而不能寫,莊梅岩表示有跟同業談論過,雖然有點怕,但她認為應該做好自己的崗位,「被人捉、被人告,先再去諗。」已有心理準備?她說:「冇呀,我未面對過呢類嘢,因為未發生,人好得意,喺一個荒誕嘅社會,你會好容易去適應,會想追番自己心想做嘅嘢,唔係一定要做政治、題材敏感嘅話題,問題係我想寫《短暫的婚姻》又得,我想寫《5月35日》又得,我想寫兒童劇又得,創作應該係咁樣,政治唔係我唯一嘅興趣,我覺得一個健全嘅社會係容許到唔同嘅聲音、唔同嘅題材、唔同嘅議題。」
穿上Deep V裙現身的田蕊妮透露,多年前曾與黃凱芹合演音樂劇《白蛇‧青蛇》,之後雖然有其他舞台劇洽談過,因當時因為拍劇而未能參演,她說:「我係有興趣做,我覺得舞台有第二種魔力,演員能夠企喺舞台上係一種光榮,我又鍾意睇舞台劇。」談到舞台劇收入不多,田蕊妮坦言不是問題,演出是為了興趣。由於疫情關係,她表示打亂了本身的計劃,「我人生計劃係唔續約TVB,之後去外國讀戲劇,但係因為疫情去唔到,於是就順住條路行,所以就開始接觸網上生意。」有沒有向老公杜汶澤幫手?她說:「冇呀,我發覺自己一手一腳做先學到嘢,但我有問題,都會搵佢公司嘅同事問,都幾過癮,係新體驗。」
9月初又再做爸爸的陳智燊,他十分注重衞生意識,受訪前特地將咪消毒:「疫情慢慢受控,自己都輕鬆啲,哥哥(大仔)因為唔肯戴口罩,所以都困係屋企半年,月頭同佢出番街,我都覺得內疚,因為困咗佢好耐,佢出街好開心,當晚佢瞓得好好,好彩今次生第二個,如果今年生第一個,我會緊張到癲咗。」她指太太宋熙年現時仍未停工,暫時會輕鬆拍片放上網。對於林師傑揭大台侮辱價1年得萬二蚊,陳智燊說:「其實最基本嘅係少,運作係咁,所以佢跳出嚟,發展空間好大。」
第二十九屆香港舞台劇獎得獎名單
最佳製作
《5月35日》 監製:列明慧、張家弘、黃懿雯
最佳導演
(悲劇 / 正劇):李鎮洲《5月35日》
(喜劇 / 鬧劇):黃龍斌《我自在江湖》
最佳劇本
莊梅岩《5月35日》
最佳男主角
(悲劇 / 正劇):王維《驕傲》
(喜劇 / 鬧劇):林澤群《假鳳虛鸞》
最佳女主角
(悲劇 / 正劇):邵美君《四川好人》
(喜劇 / 鬧劇):胡麗英《米線女戰士》
最佳男配角
(悲劇 / 正劇):黃清俊《尋常心》
(喜劇 / 鬧劇):劉守正《假鳳虛鸞》
最佳女配角
(悲劇 / 正劇):葉德嫻《親親麗南》
(喜劇 / 鬧劇):王曉怡《波音情人》(重演)
最佳舞台設計
阮漢威《夏娃》
最佳服裝設計
黃志強《假鳳虛鸞》
最佳燈光設計
鄧煒培《5月35日》
最佳音響設計
郭宇傑《如夢之夢》
最佳填詞
黃詠詩《三生三世愛情餘味》
最佳原創音樂
(音樂劇):李端嫻《陪着你走》
(戲劇):劉穎途、許諾(梁洛華)、麥家錀《坂本龍馬の背叛!》
最佳化妝造型
唐本烽《坂本龍馬の背叛!》
第二十九屆香港舞台劇獎
年度優秀製作
《5月35日》
《四川好人》
《如夢之夢》
《米線女戰士》
《假鳳虛鸞》
《親親麗南》
《尋常心》
終身成就獎
陳鈞潤 先生
魯德義 先生
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
empty
莊梅岩坦言雖然已是第6次得奬,但心情仍然緊張。
empty
同場還有王菀之。
empty
關寶慧晒腿現身。