李嘉欣啱啱同許晉亨去完日本睇麥當娜演唱會,佢哋去到邊都十指緊扣,兩隻手好似黐咗膠水咁分唔開,好鬼sweet,有愛情滋潤嘅嘉欣,講句嘢都風騷過人,嘉欣噚日着到靚靚咁喺土瓜灣為「瑞士號黃金皇宮」做開幕剪綵嘉賓時,就好風趣咁話:「可能有膠水廣告,成件事就係為咗搵個膠水廣告拍,goodidea。」
提到早排有人用咗140萬投得「1L0VEU」車牌,跟住就傳個車牌係劉鑾雄投嚟送畀嘉欣,問嘉欣點睇?佢就話:「我諗太多傳聞,回應唔到咁多,我同傳媒一向都好合作,每日都有好多新鮮古仔,真係回應唔晒。」問嘉欣究竟想唔想收先?佢就唔肯答,不過最後都講話冇收過。