韓國女團2NE1前成員CL今日下午現身尖沙嘴海港城，出席品牌嘅開幕活動。穿上Deep V連身短裙嘅CL，可能因為怕走光，不時用手遮心口，而CL一出場時即向粉絲送飛吻，非常識做。

一直專注於音樂活動嘅CL，表示如果有機會，都想多方面發展，唔抗拒拍戲。問到佢對於網上社交平台嘅睇法，CL表示：「可以用嚟跟粉絲溝通，又可以更新自己近況，不過有時候都要休息吓。」多次來港嘅CL大讚港迷好熱情而且成日支持佢，令佢每次來港都有好似返屋企嘅感覺。

雖然CL只係現身10分鐘左右，不過佢離場前都有再送飛吻，又講：「Thank you very much，I love Hong Kong。」