現年39歲嘅尊尼組合V6成員三宅健，被今日出版嘅日本雜誌《Friday》踢爆搭上一名混血女Model，更被拍得到cafe拍拖及坐「綿羊仔」返回男方家過二人世界，尊尼事務所對戀情未有否認，仲話唔會干涉三宅健嘅私人感情。

三宅健入行以來愛得低調，雖然一度性向成疑，但其實佢嘅緋聞女友都不乏天后級女星，除咗多棲紅人柴咲幸及過氣水着女星小野真弓之外，最經典可算係曾被拍得出入安室奈美惠香閨，當時有指二人過住半同居生活，又被拍得穿同款衫外出，懷疑一件衫兩份穿。當V6隊友岡田准一、森田剛先後娶妻，三宅健秘戀嘅新歡係32歲混血模特兒Priscilla，其父親係巴西人，母親則是日本人，由於獲事務所開綠燈，所以唔排除佢哋就快好事近。

精選娛聞，喺晒《娛果》
http://fb.com/appledailyent