亞視威到去巴西？講緊嘅係巴甲球隊山度士，呢支老牌球隊原來已經拖咗班球員兩個月糧啦，首當其衝嘅仲係大家都好熟悉嘅翼鋒羅賓奴！據《ESPN》報道，有好幾位球員已經因為山度士無糧出搞到上法庭，同球隊解約，當中包括後衛烏真里奧文拿同埋中場艾路卡，另外前巴西國腳李安度達美奧亦都加盟咗甘美奧，但係就唔知點解羅賓奴仲咁抵得諗，到依家都未離隊，佢仲話：「球員一定要有耐性，解決事情嘅方法就係繼續畀心機踢波，因為啲錢遲早都會嚟嘅。」