單親媽咪吳綺莉早前疑為囡囡卓林嘅交友問題，搞到母女發生拗撬，更被女兒報警控訴刑事恐嚇。之後卓林更因情緒問題住院近兩個月，上月底終於出院，並被影到與年約30歲、加拿大籍網友密友A小姐約會。

噚日卓林又約埋幾個女仔朋友一齊去遊船河，在其中一位同行友人嘅ig即時動態中，見到卓林同A小姐肩並肩喺船艙內。卓林着住黑色Top襯短褲，而A小姐向來都係粉紅控，素顏Look，穿上貼身粉紅色連身裙，襯咗一副粉紅色心心眼鏡，大罷S型甫士。早前吳綺莉自爆與卓林同患情緒病，需要向醫生求助，而出院後嘅卓林心情似乎已經好番好多，可以同朋友出外散散心，希望佢哋都快啲好番啦。