張敬軒整容練舞雪前恥
蘋果日報 2007/01/16 00:00
容祖兒（Joey）、張敬軒、鄭希怡（Yumiko）和at17等昨日到尖沙嘴綵排音樂劇《向祖兒狂呼》，眾人即場勁歌熱舞一番，雖然只是綵排了數天，但大部份歌手都跳得有板有眼，惟獨外表弱不禁風的軒仔，除了慢半拍外，又不記得舞步，更不時要偷看其他歌手的舞步，認真失禮。
「整番好棚牙」
Yumiko接受訪問時踢爆軒仔很論盡，綵排期間不時踩到其他歌手，她笑說：「跳舞對佢係挑戰。」軒仔卻死撐只是保留實力，還自誇舞姿勁過韓國跳舞天王Rain，當被取笑慢半拍時，他即解釋說：「有記者喺度就緊張囉，其實我噚晚為咗寫歌而冇練到，不過唱歌先係專長，Joey同其他歌手都幫我好多，Joey向我報以同情嘅眼光，因為覺得我好可憐。所以07年我嘅目標就係整容同學跳舞，我有少少哨牙，所以要整番好棚牙。」
此外，對於在《新浪網》的投票活動上反超前勁敵楊千嬅，Joey說：「自己唔會諗同去理呢啲新聞，大家投我票就好開心。」
採訪：駱華齡 攝影：仇志德
此外，對於在《新浪網》的投票活動上反超前勁敵楊千嬅，Joey說：「自己唔會諗同去理呢啲新聞，大家投我票就好開心。」
採訪：駱華齡 攝影：仇志德
張敬軒（左）跳舞技術比其他歌手遜色，難怪他也直認要努力惡補一番。
張敬軒
鄭希怡在音樂劇中會飾演一隻老虎乸。