【唔臭咩?】范冰冰自爆7日冇洗頭 狂撥油淋淋頭髮:還能再堅持
范冰冰7日冇洗頭
每逢農曆新年,都有一個習俗指年初一、初二忌洗頭,因為會洗走好運。兩日唔洗頭,相信有好多人都頂唔順,但點都估唔到,范冰冰竟然可以7日唔洗頭,而且仲表示可以堅持多幾日。
范冰冰今日在社交網中上載一條短片,並留言:「沒有洗頭的第七天,感覺還能再堅持堅持!」片中見身穿粉紅色T恤的范冰冰,不斷在鏡頭前用手撥頭髮,雖然驟眼睇,已經冇洗頭7日的范冰冰髮尾睇落好乾爽,但當佢用手撥髮根位置嘅頭髮時,就明顯看得出好「油」,更油到似用咗Gel咁,幫前額的頭髮定型,但范冰冰就似乎未被影響,繼續好enjoy地用手左撥右撥。
雖然未知范冰冰唔洗頭嘅動機,但似乎佢已經唔係第一次咁做,事關有fans留言表示自己亦可以7、8日唔洗頭,當畀阿媽嫌棄嗰陣就會話:「我冰也是7、8天不洗頭」。雖然范冰冰唔洗頭唔係犯法,但真心想問,乜個頭唔臭咩?
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
范冰冰自爆自己7日冇洗頭,而且更表示仲可以堅持落去。(網上圖片)
不過一撥髮根位置,即時feel到好「油」。(微博圖片)
有范冰冰fans留言,表示自己冇洗頭時,都會同阿媽講:「我冰也是這樣。」(微博圖片)