歌手泳兒今天到商台宣傳新歌《花心》，新歌是講述人的貪念，坦言自己都花心，她說：「工作上想貪心多啲工作、食嘢又揀唔到食乜、出街都會望下靚仔。」泳兒笑指男友由初初介意變成不介意，二人還會一同分享討論，她說：「佢見到靚女我都唔介意佢望，一齊分享。」提到花心男，泳兒指小時候曾經遇過，當時一男生同時間追求幾個女生，當中包括她與女友人，她說：「當時同朋友會傾偈講畀人追，有次同朋友講講吓電話，突然大家電話一齊響，先知原來畀同一個男仔追，仲要係同一個訊息，本身我係同佢flirt緊，最後變返朋友。」

提到下月16日在生日正日開騷，泳兒表示籌備得如火如荼，努力排舞，上星期排舞期間突然發冷嘔吐，問到是否懷孕？泳兒即笑說：「唔係啦，諗多咗，絕對唔會喺呢個時期發生，一定唔係。」她又謂自己體弱：「我已經有食supplement同做運動，而家目標係練好身體，可能我為演唱會食少咗澱粉質，想條腰瘦啲，加上感冒未清，所以唔舒服，之前去越南做嘢都特登休息一日，做咗兩日按摩，畀自己抖下。」

音樂唱作人林聰與Kiri T今天也到商台分別為新歌《若只如初見》及《Psycho》宣傳，二人同屬One One Collective音樂聯盟，曾在音樂上合作，他們又指目前香港做音樂難搵食，林聰指幸好獲老闆何韻詩照顧，林聰說：「而家係起步階段，需要時間成長，幸好家人同老闆喺金錢上同個人情感上都支持，冇論創作上問題，壓力上都會支持我，私下好輕鬆開心，佢嘅問候好有力量。」他又透露明天將舉行首個個人音樂會。

提到二人分別推出的新歌，都是跟現今社會氣氛影響有關，Kiri T說：「都關事，首歌係講要珍惜反對唔合理嘅權利，鼓勵大家唔怕say no。」林聰則說：「呢個係非常時期，因為社會問題同家人政見唔同，會有爭拗，大家都需要諒解嘅心，珍惜大家，同家人要諒解。」

樂團Pandora今日到商台宣傳下月初舉行音樂會及新歌《好結局》，相比以往年青熱血及愛情題材，今次新歌是全新風格，以親情友情離別為題材，希望帶出過去的已經逝去，切勿看得太重。音樂會籌備已經七七八八，周邊商品亦已準備就緒，首次自創商品售賣，他們自認數口了得，經已計好生產數量去控制成本，務求令產品可以陸續推出。門票銷售理想，他們說:「以前我哋不時叫身邊朋友幫手分享我哋作品，慢慢變成佢哋主動問有冇新歌，因為啲歌打動到佢哋，到今次開騷會打嚟話留兩張飛，令我哋好開心。」
採訪、

採訪、攝影：羅慧敏、馬建華