今日黃夏蕙、仙樂都、0靚模Amy同埋「香蕉男」鄧簡文，今日就喺旺角街頭大搞「0靚模飯局慈善宣傳」，夏蕙B就話今次嘅善款係捐助老人家，咁個飯局會唔會有埋夏蕙B呢？

鄧簡文今日都好出位，喺條街上面，除衫又除褲，除剩條「孖煙通」，不過最吸,睛嘅都係佢胸前嘅兩個乳頭，因為佢貼咗夏蕙B個樣嘅乳貼，真係好重口味，唔係人人都可以做到。

現場有20幾人圍觀，夏蕙B為咗慈善，仲為籌款獻吻，佢話：「索吻冇問題，最少1000蚊。」

而兩個「靚女」仙樂都同Amy，就冇咩出位嘅行為，仲著得好密實，只係露腰同晒腿。