【新增影片】

港股今日一開市就失守三萬點，更創四個月低位，訊匯證券行政總裁「沈大師」沈振盈，接受本報訪問時指，「今日跌得比較急，好多啲技術位破咗。」他認為，跌市最主要是由於今早美國總統特朗普談及2000億美元關稅的想法，「可以講貿易戰正式開始，對於兩方面股市都有衝擊，美股期貨跌200幾，而港股近期零舍弱」

「落到嚟呢啲位就要睇架啦，2月頭做過低位29,129點，依架250天線係29,200左右，呢啲位都係關鍵位，不容有失，如果再穿就比較弊啦，最後防線嚟架啦。」換言之，後市隨時跌多一千點。

傳統智慧「五窮」已應驗，上月底大師接受本報訪問時曾指「六絕」出現，今日他再表示，「其實機會一半半，睇下咩因素出嚟，第一是貿易戰，第二是內地資金緊，去槓桿因素，有呢啲大前提係到，要跌都好正常。」至於會跌到幾多點，他表示，現時只有見步行步，「先睇250天線，29,100個啲位，再穿就到28,200點，逐級嚟架啦依架，你冇話估個底係幾多，你未知個啲外圍因素再爆落去有幾大，唔知特朗普會唔會搞到全球都受影響。」

今日跌超過900點又是不是撈底好時機？沈大師就呼籲「唔好咁急博反彈，今日成交唔細，未過3點都過千億，今日隨時1,400億埋單，咁樣跌落嚟，之前彈個下都唔夠1000億，咁姐係代表個壓力都大，唔好咁心急撈貨住。」

對於散戶，他表示「都係個句，一股不留。」