【馮仁昭四圍超】MV錫女人
Kay得戚 囝囝會欣賞
蘋果日報 2019/01/09 00:00
馮仁昭四圍超謝安琪歐鎧淳Kay黃芷晴護膚品牌
謝安琪（Kay）、歐鎧淳、黃芷晴、馬天佑等噚日喺尖沙嘴出席護膚品牌活動，穿上性感低胸裙嘅Kay，話係配合產品清爽嘅感覺，性感並非重點，佢話：「性感睇場合，唔會刻意，阿聰亦唔會干涉我工作。」Kay講笑話老公仲性感，同時又讚佢着啲衫唔錯，但大家唔會評論對方衣着，因為大家都有專業嘅團隊。
Kay喺新歌《沐春風》MV入面同韋羅莎激吻，問佢會唔會擔心搞亂囝囝性向觀念？佢話：「佢知我嘅工作，創作上畀我好大自由度，佢有視野識得欣賞唔同作品，對感情方面係有好奇，但未講到咁深入，慢慢佢想知男女關係，我好開明，我哋可以討論。」仲話唔覺得拍個MV會震驚佢嘅世界，又話同老公有教囝囝日常遇到有關性取向嘅問題，同佢講每個人都有選擇伴侶自由，唔好干涉人哋同埋要畀空間。
Kay喺新歌《沐春風》MV入面同韋羅莎激吻，問佢會唔會擔心搞亂囝囝性向觀念？佢話：「佢知我嘅工作，創作上畀我好大自由度，佢有視野識得欣賞唔同作品，對感情方面係有好奇，但未講到咁深入，慢慢佢想知男女關係，我好開明，我哋可以討論。」仲話唔覺得拍個MV會震驚佢嘅世界，又話同老公有教囝囝日常遇到有關性取向嘅問題，同佢講每個人都有選擇伴侶自由，唔好干涉人哋同埋要畀空間。
黃芷晴打扮高貴，明艷照人。
李靄璣獲邀出席品牌活動。
歐鎧淳練水有壓力
另外，歐鎧淳話正努力練習游泳，希望奪得2020東京奧運入場券，佢話：「仲差0.1秒，好有壓力，男友胡子彤有支持，成日一齊傾偈。」
撰文：馮仁昭
撰文：馮仁昭
歐鎧淳話唔介意男友拍床上戲。