韓國元祖女團S.E.S嘅37歲成員Bada，今日3月同細9歲嘅企業家男友成婚，相當幸福。而Bada前日擔任綜藝節目《Happy Together 3》嘉賓時，大談同老公嘅愛情故事，Bada更坦言曾因年齡差距而多次拒絕老公嘅追求。

Bada提到同老公點樣開始交往：「我同老公相差9年，我覺得年齡差距實在太大，感到負擔，曾經喺一年內多次拒絕佢嘅追求，甚至連表白都冇聽到就直接Say No！」續指：「不過因為老公嘅條件實在太好，亦係一個好男人，所以為咗整理自己內心諗法，我嘗試跟年紀比我大嘅人拍拖。不過嘗試過後卻有一種自己被忽略嘅感覺，就喺我認為冇人再愛我嘅時候，我就諗起佢(老公)。就喺我想同佢聯絡時，佢就快一步率先聯絡我，所以就開始拍拖。」

咁隊友Shoo及Eugene又點評論Bada老公？Bada指：「當成員知道我跟細9年嘅人交往後都好擔心，不過佢哋同老公見面後就安心晒，更祝福我。」