ViuTV《花姐ERROR遊2》呢個節目真係好激！好玩唔玩，玩曱甴？真心配服郭嘉駿。

是咁的，男子組合ERROR及花姐喺節目中考察蟑螂養殖場，齋睇肥仔(梁業)擺曱甴喺手都標出一身冷汗就知幾嘔心啦。點知，仲有保錡試食曱甴，雖然係經過處理啫，但都唔使擺落口吓嘛？

原來，「好戲」在後頭！製作組突然提出「加戲份環節」，一向擔心自己無乜鏡頭嘅郭嘉駿衝出嚟認頭，點知換嚟嘅係，被一大埋曱甴爬滿成身上下，望住啲曱甴就嚟爬入佢耳窿、鼻窿同埋口，真係毛管戙！嗱，先旨聲明，畫面可能令觀眾不安，請自行斟酌。

完事之後，郭嘉駿成功擺脫乜都驚嘅廢柴乸型形象，仲喺IG反表感受：「同呢幾千隻曱甴相處完之後敏感咗幾日。又分泌液又被咬咁，尤其是臉同頸被曱甴腳勾到損哂，每日起身都要啪敏感藥再化妝拍攝。記得當刻覺得好痛、好驚、好恐怖，時間過得好慢咁，但成功挑戰之後心靈上好似有一種形容唔到嘅滿足。感謝製作組俾呢個機會我去試呢個咁cls嘅挑戰，我諗呢個世界上99%嘅人都唔會有機會，或者唔想同咁多曱甴相處。即係咁，平時你見到一隻曱甴，可能會覺得佢搞住你，一下就將佢打死，但如果對住一大堆團結又頑強嘅曱甴，真係對付唔到，你最終都係會輸畀佢哋。#屋企乾淨就唔會有曱甴#不如先搞清楚點解香港會有咁多曱甴啦。」大家知佢咩料啦。

9月2日起升級條件將更新 繼續每月撐壹仔 講真心話撐住我香港！