日本男星窪塚洋介自從由9樓墮下大難不死之後，行為一直都係比較神化，幾年前窪塚宣佈同前妻NON離婚，之後高調同相識多年嘅巨乳小三PINKY愛得癡纏，上年底仲公開再婚宣言，表示決定同PINKY拉埋天窗，日前佢哋兩個又恩愛出巡，現身GRENCH大阪南船場嘅新店開張派對。

PINKY膠樣趕客，又惹來整容、隆唇疑雲，不過窪塚搭上PINKY之後，演藝事業明顯有翻生跡象。窪塚拍完首套荷李活電影、馬田史高西斯（MartinScorsese）執導嘅《沉默》（Silence）之後，原來佢再會接拍另一齣西片《RitaHayworthWithAHandGrenade》，故事發生在二次世界大戰時期，窪塚飾演被困荒島嘅軍人，將於今秋開拍。