【異動空間】趁批股低吸等收購(魏力)
魏力永升生活服務
港股高開急回400幾點,雖然最後仍倒升收市,但不少戰友已被嚇出一身冷汗,一來恒指再於24,600止步,恍如一個鐵頂;二來本周四個交易日,恒指已累積反撲近1,700點,對港股零信心之下,市一回就先沽為敬;三來美期現回吐,大家擔心美股都跌,沽定先;四來華府制裁詳情仍未公佈,擔心唔知幾時出手,有糊都揀食咗先。
魏力睇法是咁的:本周四日出現3個上升裂口,反映升勢過急,回補一個是非常合理,現階段好難單憑一支陰燭就確認大市見頂。此外,尾市重磅股全面「嘜高」收市,似引熊多於散水。牛熊街貨圖分析,觀察恒指上下各1,000點區間,熊仔比例高達八成,25,300點樓下成4,000幾張期指的街貨,真係唔劏埋佢?反觀向下即使殺到23,000,都係得800張期指街貨,只要外圍無忽然大冧,個市點行最和味?不言而喻。
板塊方面,近期強勢的醫療、物管、教育開始偏軟,但魏力認為只屬小部份資金獲利離場,轉投較落後的舊經濟股,始終中美緊張局面未除,甚至日益升溫,基金如何能夠捨棄呢堆高增長、政治風險又較低的股份?
股份可留意剛批股的永升生活服務(1995),先舊後新配售1.34億股,每股11.78元,集資15.6億元。魏力翻查永升盤數,去年底流動負債11.9億人幣,但現金卻有12.8億銀,基本上不缺錢,咁都要批股好可能為收購做準備,趁低吸納等收購公佈,值博率相當不俗。
筆者為證監會持牌人,未持有上述股份財務權益。
www.facebook.com/2012jason
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
屬於香港人的移民攻略
立即登入
【全球樓行】 Dream House零距離