看好的投資者,主要是見公司盈利健康增長、低息環境持續相信實際負利率會有助推高股市,不過看好看淡有時都要睇時限,如果係睇未來一兩年當然唔怕,士佳早前也曾提及美國新任總統上任後的第二年,是投資的好時機,現階段即使調整到250日線下,充其量都係千幾點,揸住股票可能會出現陣痛,不過小牛可以轉眼間出生。但如玩衍生工具,暫時宜沽不宜揸,普遍認為現水平已見底,不過只係跌穿關鍵位兩三百點便見底回升的情況,實在少有,起碼都有近1000點的波幅。而且之前一直話吼低買,但吼低買的水平卻也跌穿,還要在消息欠奉的情況下,令人疑神疑鬼,所以自己相信要有一陣恐慌才能見底。
現階段策略好簡單,長線投資者可考慮分段買貨,如每跌300點買一點,或每升500點買一點,一來唔會買唔晒計劃中的注碼,二來平均計都叫買到個底。短線則可以細注利用衍生工具造淡,將目標放在250日線附近,睇下可唔可以發個年尾財。
張士佳
寶來證券(香港)董事 投資服務部
mailto:
[email protected]