是日推介兩隻醫藥股——信達生物（1801）及百濟神州（6160），由於共通點太多，所以一炮過推晒，如果得一注錢，就每隻買半注，以免是但走甩一隻，中齊就重疊興奮。

共通點一︰撇甩B股。百濟神州係第一隻，信達係第二隻，搣甩B字的生科股，反映市值及收入已達上市規則要求，前景看高一線。

共通點二︰北水垂青。兩股同於本月納入港股通名單，睇CCASS，截至上周四百濟神州滬深資金連掃四日，涉約46萬股或0.04%；信達四日兩地資金共掃入4,000萬股，相當於2.86%股權，鍾愛程度毋庸置疑。

共通點三︰蓄勢破位。最緊要股價有反應，百濟神州及信達齊齊創收市新高，變相進入無蟹貨區，只要北水動力持續，要舞高話咁易。分別用138元及54元作止蝕位入場，博高處未算高。

唐牛

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道，深入社區，踢爆權貴，即Like蘋果專題及調查組FB專頁！