來自日本秋葉原嘅人氣組合假面女子，今日中午出席西九龍中心舉行嘅FanMeeting，而身兼歌手及鋼琴家於一身嘅著名聲優牧野由依，亦都緊接現身西九龍中心，場面非常熱鬧。

假面女子其中5位成員今日於西九龍中心會見歌迷，眾成員表示非常喜歡香港美食，尤其係菠蘿叉燒包同埋北京填鴨，佢哋亦好鍾意香港夜景，而且即場表演嘅跳勁舞外，又安排3位男粉絲舉起橡皮艇，並載住隊長巡遊，又用廁紙槍射向觀眾，大搞氣氛，為節目掀起高潮。之後，假面女子又開擊掌會，與歌迷作近距離接觸。