無線J2節目《塔斯曼尼亞的日與夜》今日喺西貢搞宣傳，節目主持陳智燊同朱千雪自然要出席，不過就連早前同陳智燊傳出同居嘅宋熙年亦有到場，好自然成為全場焦點。

之前佢兩個已經否認戀情，不過要求合照時，兩個人就好有默契，即刻擺出型男索女甫士。宋熙年表示唔介意傳緋聞，更希望可以藉緋聞增加搵銀機會。

陳智燊表示暫時以工作為重，問到可有發展機會，他說：「我哋只係好朋友，入行時已經識，目前都係做嘢先，拍拖就唔諗住。」問宋熙年會否擔心因等對方而耽誤青春，她說：「佢嘅工作還佢嘅工作，我嘅青春還我嘅青春。」