當年今日
關於我們

【賀歲片殺到】張家輝忽然「回春」 林嘉欣拍偶像劉青雲演夫妻

蘋果日報 2018/12/20 17:23

張家輝賀歲片林嘉欣劉青雲

今年嘅賀歲片陸續開始宣傳,當中包括由影帝影后級人馬劉青雲、張家輝、林嘉欣合演嘅《廉政風雲》。呢部電影由麥兆輝執導;莊文強、黃斌監製,電影公司剪咗個一分鐘預告,安排喺今日曝光,至於電影嘅內容,原來青雲一句「打大老虎」就係全片嘅重心。
已經係兩囡之母嘅林嘉欣,喺呢部電影入面參與咗唔少動作場面,佢自己就用動魄驚心嚟形容,而今次佢會同青雲飾演兩夫婦兼同事。嘉欣笑言,可以同偶像合作相當興奮,但因為劇情講佢哋好多離離合合,所以心情經常會大起大落。
其中有一場戲,講青雲攞住個寫上「老婆」嘅接機牌企喺機場等嘉欣,青雲拍完呢場戲都話,如果現實生活中,老婆郭藹明見到佢攞住呢個牌去接佢機,肯定頂唔順,但嘉欣就話咁樣做好sweet。

另外,預告片最後一個鏡頭都係一個吸睛位,因為忽然有一個「回春」家輝出現喺鏡頭前,原來呢個「回春」家輝樣,係電影公司用電腦效果整出嚟嘅,但係點解會有呢個家輝出現,預告片就冇特別交待。
精選娛聞,喺晒《娛果》
http://fb.com/appledailyent
empty
林嘉欣同劉青雲喺賀歲片演夫婦。
empty
袁詠儀都有份演。
empty
張家輝呢個回春樣,認唔認得佢?