當年今日
關於我們

民主派動議毋忘六四 建制邊個「倒戈」!

蘋果日報 2017/06/08 17:49

何君堯平反六四民建聯

【新增影片】
立法會大會討論民主黨黃碧雲提出的「毋忘六四,平反八九民運」議案,雖然議案最終遭否決,但建制派何君堯投下贊成票,令全場議員及記者大感意外。
何君堯在會議室外「解畫」,指當時學生基本上支持廉潔政府,「係愛國嘅,呢個情懷係冇錯」。他又指「邊個係屠夫」等問題已在討論了20多年,認為不會在短時間內解決,但他認同學生的愛國情操,「我哋今日能夠見到到中國有咁嘅長足發展呢,或多或少都係六四裡面呢,我哋啲愛國嘅學生,佢哋俾我哋好大嘅啟示,都係一個動力」。
他又指很支持亦相當明白當時學生的心情,慨歎「人誰無過呢,物亦有瑕疵」,認為應互相包容及體諒。記者再問及會否擔心被中聯辦追究,他指「完全由良心出發,唔需要擔心想俾邊個追究。」