韓國綜藝節目《非首腦會談》近日係韓國掀起話題，因為節目除咗有三位主持外，仲會有十幾位來自唔同國家嘅參演者，佢哋會圍繞一個話題進行討論，並會從唔同角度去睇年輕嘅煩惱。

而前日播出嘅新一集，就以「幸福」為題。來自北京嘅主持張玉安就係節目內大爆強國人嘅劣根性，仲話：「係內地冇人會扶仆到喺街嘅人，因為過去曾經有位年輕人扶咗摔倒嘅老人家，就被嗰位老人家反過來指控，話係年輕人令自己仆倒，結果年輕人就入咗監獄，所以內地人教育小孩唔可以去扶人。內地經濟係世界排第二，但係幸福指數就只係排第93。」