巴塞隆拿（圖）兩連勝兼入八球，「MSN」組合全面回勇，周四西盃八強首回合縱作客皇家蘇斯達，但主隊陣容甚殘，信巴塞可大勝先拔頭籌，讓一球照取上盤。
巴塞上周六大勝拉斯彭馬斯5:0，現只落後皇家馬德里兩分兼多踢一場，爭標未絕望，而且貴為上季西盃冠軍身份，對衞冕有一定鬥心。上圈兩回合對畢爾包，MSN組合美斯、蘇亞雷斯及尼馬均有上陣，三人今仗可望披甲續在前線爭功。預料教練安歷基會安排個別中後場上陣，作為輪換，巴西中場拉芬拿艾簡達拿因傷缺陣，恩尼斯達、碧基等主力料休息，不過以拿傑迪錫、安祖高美斯等後備兵級數亦足，可領球隊大勝。
皇蘇上圈淘汰維拉利爾，主場更大勝3:1，加上西甲首循環交手以1:1賽和巴塞，今仗有一定優勢，惜陣容甚殘，包括射手韋利安荷西停賽，其餘傷兵亦有卡路士韋拿、卡路士馬天尼斯等主力，皇蘇周一才作客擊敗馬拉加，休息時間比巴塞少，今仗甚為吃虧。

馬體會難炒伊巴

同日另一場西盃八強，由馬德里體育會主場對伊巴，馬體會上輪淘汰拉斯彭馬斯，但主場輸波，上仗聯賽亦只小勝貝迪斯一球，面對硬淨的伊巴難大炒，伊巴受讓球半/兩球，宜敲下盤。
賽制：若在次回合法定90分鐘後，兩回合總比數打和，先計算作客入球，如不分勝負就在次回合後加時，並設有作客入球優惠；若加時沒有入球，則互射12碼決勝。
文：牽牛