【新增動新聞】
為上奧運擂台，你願意放棄多少？35歲的歐盈盈一年前放棄泰拳輝煌戰績，全心全意從頭轉戰西洋拳，前日終於在奧運資格賽亮相劃菲律賓拳手，豈料僅戰至第二回合便遭拳證中止比賽判輸，那刻以「硬淨」聞名的她忍不住在台上潸然落淚，拳證的兩次讀秒，一年的努力彷彿化為烏有，「我十幾廿年無喊過，我個吓好唔甘心。」

歐盈盈本來於香港泰拳界叱咤一時，但運動員心裡終究有一個奧運夢，去年她決意從泰拳轉練西洋拳，甚至放下健身教練的工作，全時間特訓備戰，「人一世物一世，我好想試，而且奧運係個好難得嘅機會，都係一年啫，人生流流長。」空口談夢很簡單，願意實踐已是冒險第一步，但踏出夢境後，世界往往很現實，歐盈盈去年首次北上廣州訓練，換來渾身傷痕，「我第一次係同十幾歲女仔打，一埋身第一兩拳我已經中拳爆鼻，當下知道程度差好遠好遠，個心好hurt，以前未試過畀人打到咁。」昔日的尊嚴隨血汗一併落下，但既然已花上十多萬訓練，她已無退路，只好咬緊牙關繼續迎頭向上，繼續苦練。潛心練習一年終出征約旦，雖然她早知面對菲律賓拳手晉級機會不大，她心中也盤算起碼要瀟瀟灑灑打畢三回合，但結果不盡人意，亞大區資格賽之路僅兩回合便戛然而止，「第一次數都無事無幹又唔係痛，但個心開始怯怯地，數埋第二次就覺得死喇 ，係咪會完呢，情緒就湧晒出嚟。」賽後一日她收拾心情接受訪問，不諱言曾質疑是否白白浪費時光，惟過去一年她起碼了解到世界之大，「拳擊畀我見到世界係點，唔再侷限喺香港度。」

歐盈盈練西洋拳某程度上緣起曹星如的掘起，「Rex對運動好專注，香港環境咁難，但既然佢可以做到，咁我都可以試下去做呀。」曹星如「神奇小子」的出現，正正反擊香港人一貫以來對夢想的勢利否定，歐盈盈奧運首關失利，起碼她願意再接再厲，她預告五月會再到巴黎出戰世界區資格賽，再爭奧運入場券，「既然開始咗，我都會繼續努力去打。」

記者：洪量丰
攝影：王子俊

-----------------------------
【武漢肺炎】專頁
全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports