英格蘭喺世界盃歐洲區外圍賽，作客大炒馬耳他4:0，表現可謂非常對辦。但係有位年輕英迷Jake Peachey似乎嫌場波太悶，於是喺twitter出左個post，話如果佢個post有400個人回應嘅話，佢就會衝入場搗亂。果然唔使好耐，已經過千人回，阿Jake亦做真漢子，衝入場搵拉舒福特。

Jake喺賽事嘅69分鐘就衝左出場，先突破球場保安嘅防線，然後跑去同效力曼聯嘅前鋒拉舒福特「攬攬」。喺完成「任務」後，Jake就俾保安帶走左。Jake嘅行為雖然唔值得鼓勵，但已經好過好多人，因為佢至少肯找數。