當年今日

新世界傳動網請飲湯

蘋果日報 2006/07/25 00:00


新世界傳動網自從成為CSL一分子,同1010、One2Free做咗姊妹後,不斷搞新意思,啱啱就整咗個新嘅「話音短訊」服務,原理同𠵱家嘅SMS差唔多,只係由文字轉咗做聲音,以前要逐個字打嘅短訊,𠵱家錄段音就得喇,特別啱啲小情侶!
佢哋班宣傳大員,諗咗用「實在.真意」做新主題,噚日已經喺無記同亞記推出兩段新廣告,分別係「靚湯篇」同「父子篇」。
華華梗係鍾意「靚湯篇」多啲啦,因為記者會時,人人送一碗拍得住阿媽煲嘅老火靚湯──青紅蘿蔔煲粟米,飲完真係咩火都下晒,臨走仲一人有一份「愛心湯料包」禮物攞走㖭!而新上台客除咗有3個月免費試用「話音短訊」,亦有「愛心湯料包」送。