「佢講到主業會嘅成員無嘢做咁,一日淨係做三樣嘢:喺間房入面祈禱、喺間房入面鞭打自己,同埋出去殺人,我都唔知佢哋點搵飯食!」他不同意書中指主業會與時代脫鈎、摒棄新科技,「起碼我都識用powerpoint吖!打機就差啲,我諗我都會學到嘅,不過就唔會話打到斬阿媽。」
他強調主業會不是秘密社團,教區手冊上印有負責人姓名及聯絡方法,只是沒將全體逾百會員姓名刊登,「咁你參加健身會,有無見佢登埋你個名出嚟?呢啲都算係私隱嚟㗎嘛!」該會亦曾爭取在聚會地點外加上標示牌:「我哋係小團體,得十幾人,喺住宅單位聚會,好似我哋喺黃埔花園擺咗個細細哋嘅牌仔,搞到差啲俾管理處罰咁滯。」
他指部份非基督徒先入為主,以有色眼鏡看主業會,但該會不會採取法律行動,以免為電影宣傳,亦不會杯葛該片。
天主教香港教區副主教陳志明去年獲教友贈送《達文西密碼》一書,他形容該書的小說特質吸引,猶如「偵探片」。
參與研討會的李先生認為,電影只是藝術,不會與信仰混淆,「對教友嚟講可以解釋吓都係好,我本身好欣賞套戲嘅拍攝技巧。」正任教道理班的陳小姐則希望對此書加深了解,以回應學生的提問。