47民主派被控●赤柱|林卓廷轉大倉感開心 陳志全昨收信數十封
47民主派被控赤柱
47名民主派因參加初選被控違反《國安法》下的串謀顛覆政權罪,至今只有11人獲准保釋,其餘36人未審先囚,當中最少12人如重囚般還柙在赤柱監獄,包括黃之鋒、朱凱廸、林卓廷、岑敖暉、陳志全、趙家賢、張可森、郭家麒、鄒家成、李嘉達、鍾錦麟及譚凱邦。
林卓廷團隊:佢為轉往大倉感到開心,亦會申請在獄中工作
林卓廷團隊的fb小編昨晚發帖,指林昨日突然由本來被囚的單人倉,被轉往可與其他還柙人士一同生活的「大倉」。小編表示,他們前日曾發帖指懲教署未有回應林之前提出轉往「大倉」的申請,豈料署方昨日便立刻將林轉往有約70人的「大倉」,「佢地係咩原因突然間又攞返個申請黎(嚟)批就不得而知喇,但最緊要嘅係阿廷唔洗(使)再自己一個孤零零過日晨。」
小編在今午再發帖,指林為可以調往「大倉」而感到開心,亦十分感謝懲教署的安排,「畢竟單獨囚禁左(咗)咁耐,終於可以同人接觸令佢覺得好滾動。」此外,小編指林會申請在獄中工作,「希望喺入面有d世藝,同時賺少許錢買下嘢咁。」
陳志全團隊的fb小編亦在昨晚發帖,指陳昨日收到數十封獄外來信,「佢話好感動一定會慢慢睇,非常感謝大家咁錫佢,特別係多謝有啲朋友專登印咗啲一格格嘅日曆表比佢。」此外,陳亦希望大家可以多寄歌詞給他。
-----------------------------
你敢爆,我敢獎! 立即Signal 63836568、
WhatsApp 《蘋果》24小時爆相爆片熱線
-----------------------------
-----------------------------