八方現場所見,有議員確係有姿勢有實際,但唔少人一起步已經舞龍咁款,例如泛民飯盒會召集人梁家傑,佢夾埋踩咗1分鐘左右,仲要一路行一路左擰右擰個車頭保持平衡。傑哥同八方講唔好誤會,佢真係識踩單車嘅,只係要踩出馬路就仲未夠班,所以佢最後都係做打氣隊,到各街站為大家打打氣,而李卓人同梁耀忠開步儀式之後,都有事要閃人。
真係有實際嘅當然要數民主黨胡志偉,佢本身係單車發燒友,平時出入都踩單車,噚日一馬當先踩出馬路,搞到尾隨嘅人要開咪叫停佢,就番大家嘅速度。至於平時斯斯文文嘅衞生服務界代表李國麟,原來都係好踩得,不過佢話已經係30年前嘅事,後生時會喺灣仔摩理臣山租車,一路踩去銅鑼灣再入筲箕灣。
mailto:
[email protected]李八方