求驗客手記:甘莫蘭尼斯追打對手 - 求驗客

蘋果日報 2011/07/26 00:00


甘莫蘭尼斯(圖)轉行打拳?唔係,不過呢位歸化意大利後,幫意軍贏得06年世界盃嘅中場老將,未因返回家鄉阿根廷搵食而收火,繼續躁狂性格,日前喺拉魯斯友賽男生隊場波,同敵方嘅烏拉圭中場祖安洛迪古斯發生衝突,拳來拳往,睇甘莫蘭尼斯嗰下右勾拳,真係有職業拳手水準。經過雙方球員勸交後,佢兩個冷靜咗一陣,但據報34歲嘅甘莫蘭尼斯其後喺更衣室追打對方。友賽啫,何必咁火爆?祖安洛迪古斯講明山水有相逢,日後再逢一定報仇喎!呢場交,怕且未打完。