做明星？我真的冇想過，最叻是幾年前幫無綫拍過《當四葉草碰上劍尖時》，做黎諾懿的替身，試過在街上，有唔少類似「星探」的人叫我試鏡、叫我做model，但我冇興趣。
我不是天生明星臉，小學六年級，還未高定，得1米6幾，肥到成200幾磅，心想不可以再這樣下去，升中一那個暑假決心要keepfit，試過早上打籃球、下午游水、晚上踩單車；一個暑假過後，我標高到1米8幾，返到學校，同學都唔認得我。

攞銀牌簽名簽到手軟

真是有做「明星」的感覺，是幾天前我拿亞運個人賽銀牌那晚，我簽名都簽到手軟，頒獎後由晚上9點幾簽到凌晨12點幾，差不多場館的志願者，男男女女，不停找我簽名同影相，我諗大大話話都有百幾二百人，我好似做咗一日star的感覺。那晚全場爆滿，決賽對南韓崔秉哲時，全場都為我打氣、加油，那一刻，真是覺得自己是個star，全部人目光都放在我身上，感覺好正（最後以1分輸掉金牌）。
其實我時常在大陸訓練，有不少人見我的身形高大，叫我拍時裝硬照或者行catwalk，但我都唔敢試，我寧願做劍擊明星；我中五畢業轉做全職至今，香港傳媒都好少採訪我們，我不介意用自己的「樣」去吸引報道，好想劍擊隊越來越多人認識。記者：徐嘉華

張小倫
（廣州亞運男子花劍個人賽銀牌、團體銅牌）
25歲、身高1米88，重85公斤的他橫看豎看，似男模多過全職運動員；今屆亞運，他的個人賽亞軍，是香港第一人，一躍而成香港劍擊界的「明星」。