在妻兒眼中是一個好丈夫、好父親的阿勝，一向身體健康，豈料日前無故嘔吐及發冷，前後不過數天便病逝，其死因有待死因研究庭裁決。遺孀阿珍與八歲兒子頓失依靠，不但無法應付將來生計，就連眼前亡夫的殮葬費亦無力支付，令阿珍苦惱。

「真係好突然，佢去得太快，我本身有血壓高同糖尿病，嗰日喺醫院聽到呢個消息之後，啲血壓升得好高，我當場暈咗，差啲爆血管，我根本接受唔到呢個事實。」三十八歲的阿珍激動地說，其親友則在旁安慰。

病發數日送院不治
阿珍表示，其夫阿勝日前感到作嘔、發冷、腳痛及尿液帶血，曾往醫院及私家醫生求診，醫生均指其患上關節炎，然而，五月十四日阿勝病情急轉直下，覺得氣促及整天沒有小便，阿珍見狀即召救護車將丈夫送院治理，經急救後送入深切治療部，延至晚上不治，終年四十四歲。
「醫生都唔知佢乜病，初步懷疑係急性腎衰竭，不過重要排期等死因研究庭裁判，佢一句說話都冇留低就走咗。仔仔呢幾日成日嗌好驚、好驚，我要控制自己情緒去安慰佢，佢都知道以後見唔到爸爸。」阿珍嗚咽着說。