【疫情影響】連詩雅留家當直播係工作 梁諾妍開live怕洪永城搶鏡
蘋果日報 2020/03/10 17:53
連詩雅梁諾妍陳穎妮
攝影：陳慧安、廖達燊
連詩雅今日在銅鑼灣為兩個師妹梁諾妍和陳穎妮主持的網上直節目《生活小百科》擔任嘉賓，由於受疫情影響，連詩雅指不少公開活動要押後，所以近排多留在家中，於是多了玩網上直播，她笑說：「玩live呢方面，我算係新手，我發覺每一個社交平台，我都係遲一年半載先至開，而家會將社交平台當係工作嘅一部份，好彩我起步嘅時候，有好多人支持我，托賴都OK，我好後悔唔早啲開，因為網上平台嘅收入都唔錯，有一排，我有一半嘅收入都係嚟自網上平台，但係我自己都有投資，為咗經營網上平台，我有買燈、專業嘅攝影機。」
梁諾妍表示會介紹好多生活冷知識給連詩雅，問她會否邀請男友洪永城擔任嘉賓？她笑說：「有時我做直播，網民都會聽到佢把聲，我講笑話係工人返嚟，咁佢就會say hello。」為何不讓男友出鏡？梁諾妍笑指自己小器，怕被男友搶鏡。提到他們的同居生活因為受疫情影響而要延誤，梁諾妍說：「係呀，而家慢慢搬啲嘢去，同埋唔知裝修師傅喺邊度返嚟。」談及堪輿學家楊天命曾批她會奉子成婚，梁諾妍笑謂：「不嬲都好安全。」
採訪：黃曉妍
攝影：陳慧安、廖達燊
攝影：陳慧安、廖達燊
連詩雅今日在銅鑼灣為兩個師妹梁諾妍和陳穎妮主持的網上直節目《生活小百科》擔任嘉賓。
連詩雅指不少公開活動要押後，所以近排多留在家中，於是多了玩網上直播。
梁諾妍表示會介紹好多生活冷知識給連詩雅。