陶傑噚晚去到金鐘出席「第四十七屆香港法國電影節」開幕晚會，同時是電影《The trouble with you》首映禮，導演Pierre Salvadori、駐香港及澳門法國總領事Alexandre Giorgini亦有出席。

陶傑表示，與舊有法國領事好熟，因為剛轉換了領事，亦特別到來見面認識，陶傑話：「法國電影節好多戲我想睇，除咗首映呢套講同志出櫃嘅痛苦，佢哋嘅題材廣泛，例如會講一個年輕人考到醫科，但係唔啱讀而掙扎，呢啲題材係法國片先會有，港產片係唔會理。睇法國片可以擴闊視野，可以睇到一啲唔同嘅題材，對創作上可以偷師，我寫嘅專欄好多關於法國文學文筆。」

陶傑同法國領事傾咗好耐，陶傑話：「佢係法國拿破崙嘅歷史專家，大家趁機會互相交流，法國人可以有好多話題，無論電影、哲學、歷史、新聞、飲食、藝術，我喺香港有好多法國朋友，法國電影可以令我遠離抑鬱症。」

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent