當年今日
關於我們

沙麗送自家CD當大禮

蘋果日報 2003/12/18 00:00


葉蒨文(沙麗)昨日接受商台訪問,提到近日忙於宣傳新碟。沙麗說今年聖誕節決定不會再費神去揀送禮物,因為所有人都會收到同一份禮物,就是她自己的新碟。
沙麗說:「我唔會偏心,阿Lam(林子祥)都一樣,我實行硬住頭皮,厚住面皮,包得靚靚哋,送畀我所有朋友。」

當秋生黐線
沙麗在談到家人安排節目時,她又說:「我好想睇《無間道III終極無間》,好想睇偉仔同Kelly段感情戲。我好鍾意黃秋生,最初我都好驚佢,因為我睇《人肉叉燒包》睇咗三次,我都以為佢真係好似戲入面係黐黐哋。之前佢重要由咁肥減到咁瘦,咁重唔係有問題,但係上次去北京拍個愛滋病宣傳片同佢合作,見佢個人好nice,好正常,我好鍾意佢。」
採訪、攝影:楊潔雯